نوحه لکی حضرت رقیه(س)
روله مگر جرم و گناهت چیئه؟
خوینِ شُر اَر گوش کُنائت چیه؟
– بند اول
باوه بوئه خِئر چَئمَلُ اَسرَلِت
آگر خَم شونه مه اَر زلفَلِت
ناله تو نئه کرب بلا پیچیئه
بو کِز دل تئردس وا پیچیئه
کم بِکَنا زلف گره حواردیئت
کم بِتِکِن زیخ اِ گِلاره سیئت
-بند دوم
لِچ دت نازار مِ بآر گرتیئه
دور چئمی تیئم وهار گرتیئه
لاره کش اَر دس فلک حواردی ئم
آزیئتی طفل دِلَک حواردی ئم
روله اَرا حوئنه وَ گَئرته مَهَن
اَرچه سوتی یه کُت اِ جیئرته مهن
-بند سوم
گیونمه سریت روله سِزا اَر دئنی
طفل کتک حواردی و بیکس مئنی
مَر اِ چیه طاقت و گیون دِتی
پا پتی ئو تیئنی و گیسل سوتی
ایچه اَژی قومه اِ سَر تِر نِمان؟
مَر تو علمداری؟ که بَن تِر نِمان
– بند آخر
کافر بی دینه ..بوء آگر نَئژَن
کمترئکی نوم لم و دلما بِئژَن
بیله مر اَر قلب ولات ئا نئنِن
آگر ئه کشتی نجات ئا نئنِن
خواست خدا بیه که نویر تو چیئه
چون ایل پیغمبر ئه ویرتو چیئه
احمدنورالهی
۳۰ خردادماه ۱۴۰۰
نوحه لکی حضرت رقیه (س)
