پیک ایشتار _ لرستان مهد فرهنگ و هنر و شعر و ادب است. این فرهنگ سراسر لرستان علی الخصوص ادبیات لکی در بین لک زبانان شهره خاص و عام است .
زبان لکی و ادبیات و شعر لکی همیشه شیرین و جذاب و عامه پسند بوده و هست .
چند دوبیتی لکی در این مطلب منتشر شده است .
وتت اور وهاری، دیمه موشی
اَرینم بیقراری، دیمه موشی
وِتِت چَن ساله چوی لیوه ارا مه
هَر آساره شِماری، دیمه موشی
شاعر: یاسر کرمی
نه دخ دویری کسی اِ سینه دیرم
نه هین پیری وژم اخینه دیرم
اما چوین دم دورو آکردمسه
فرهون مه دخ ا آئینه دیرم
شاعر: امیرشعبانی
نِمَه زُونِم وَلا چُوی عاشِقِت بیم
هَنی کِه دل کَت اِی دُوی عاشِقِت بیم
اَرا گال اِی وِلاتَه کُل بی اَر مِه ؟
پِیِامی که نَکُشتُوی عاشِقِت بیم!
شاعر: مهران غضنفری
مِه کِه هوگهم دیارِ نادیاره
مِلا عِشقَه، اَخه میزونه کاری
وَ هَر سیلی می اِ ماسَ مَکیشی
بورن وه گَرد یک بازی نکیمن
رّیَل راسن، دس اندازی نکیمن
اَژ ای دنیا خریوه چه ممینی؟!
بورن تا چاقچوله بازی نکیمن
شاعر: حشمت آزادبخت
دوبیتی های شیرین زبان لک
مِه عشق تو سُخو سی کردمسه
خمت چوی بونگِلون لی کردمسه
اسیرِ بال ئِی پشت بونیا خیالم
خیالت هــونه تَمی کردمسه
بونگِلون: غلتک
تَمی: تنبیه
شاعر: رحمان عزیزی
بَرگِ رنگینِ وَرِ عشقم تونی
تاجِ خُرورِ سَرِ عشقم تونی
بوشم ارا نوم تو هَر ها دَمم؟
جاجِک دَم خوش کَرِ عشقم تونی
شاعر: یاسر کرمی
گلارا حال ئه دلمه تو خو که
شوئه تیریکه بختم نیمرو که
تو دریایی چزونی خم یعنی چه
سیلی اژ توین تنیایی رو که
*رو: رودخانه
*توین: امتداد
شاعر: علی کولیوند
هاوار اِ دس صیاتی تیرِ چئمت
دس و دل بستمه زنجیرِ چئمت
شِو و روژ وختِ بی وخت دل وَ هولم
نَکه یه روژ بچم اِ ویرِ چئمت
کسی لیوه تِر اِ مِه گیره مارین
اخِنکه عاشق و درگیرِ چئمت
وِری هر جای بِچِم ایواره ماما
امان اِ خاکِ دامنگیرِ چئمت
نِمم لیسکِ هورین یا مونگِ چوارده
کویَشتی روشنه اِ نویرِ چئمت
قبادی سازنه، آوازِ مهران
عجو توزی بکن اِ سویرِ چئمت
شاعر: اردشیر قبادی
دکلمه شعر لکی
ترجیع بند قلاژیله (زاغ )
سروده شاعر لک زبان: کرم دوستی
دوبیتی های شیرین زبان لکی