الشتر لرستانتاریخ الشترشعر لکیفرهنگ الشترهنر الشترهنرمندان الشتر
شعر لکی سروده بیکش
بیکش لقب شاعر لک زبان صمد نجاتی است
خِراوم چوی دم ایواره خریوِسونِ پر هولی
زُوونِم چوی هَفی دِئمی، گپم نیشِ دُمَرکولی
دلم هومسازِ دلگیری باوه ژار و دِتَه‌باری
سرم چوی لیوه نوم سویره ! سماهُوازِ مَس و لولی
هناسی سردِ خونِ ایلم اَر کوچِ دوما مالُو
گُمِم اَر پر خریوی شیِئرِ پر سوداگرِ چولی
نه داری دردَداریکم، نه سا خَس ریویاریکم
دِرِک بی نویرِ تیِلیکِم ! تنیا خاریکِم اِ دولی
پَل و پو ژلم و بی گیونم ، نماری دِ وهارِ ویر
نِماری آسِمو بختم ،تَمِ توز و نِمِ نولی
کِلِک نیشونِ آبادی، پر اِ طینه کس و ناکس
قلاییکِم وَ نادونی، دلم بستیسَه داهولی
صمد نجاتی (بیکش)
